DAHIL ito ang Centennial ng Kilusang Manggagawa ng ating bansa, binigyan nating kanina ng parangal ang mga namuno at naghirap para sa kilusan noong ito ay nagsimula. Doon sa mga nagsimula noon pang-100 years ago, siyempre wala na sila. One hundred years ago iyon, kaya mga apo nila ang narito. Yung mga lider naman ng henerasyong ito, ay binigyan din natin sila ng pagkikilala, yung ating mga beteranong buhay pa dito sa ating Labor Movement. Binibigyan din natin ng parangal, kahit nawala na ngayon yung ating mga kasalukuyang lider, pero nawala na, ilan sa kanila ay dahil nagmartir sa kasalukuyang henerasyon.
Si Popoy Lagman, hindi natin siya binigyan ng posthumus award, pero iba ang gusto kong ibigay na parangal sa kanya. Para itong parangal ay lalong maging makabuluhan inuutos ko ngayon si Sec. Joey Lina at ang ating mga pulis na maglunsad ng intensified manhunt kay Roger dela Torre, alias Ka Rowel, na siyang umanong pumaslang kay Popoy Lagman. Merong eye witness, at nasampa na ang kaso kontra kay Ka Rowell sa pagpaslang kay Filemon Lagman. Sa wakas, sana, ay dumating na ang katarungan. Kahit na hindi pareho ang ating paniniwala, karapatan ng mabuhay ang lahat ng tao. Kaya kahit hindi pareho ang ating paniniwala, pag nalabag ang karapatang pantao kahit na ibang paniniwala karapatan din nilang magkaroon ng katarungan mula sa atin.