Gumawa si Darren ng kasaysayan sa MOA Arena dahil siya ang youngest performer na nagkaroon ng concert sa nabanggit na lugar. Sinuportahan ng Darrenatics, ang birthday concert ng idolo nila dahil umalingawngaw sa MOA Arena ang kanilang malakas na tilian.
Hindi matapos-tapos ang pasasalamat ni Darren sa lahat ng mga sumuporta at tumangkilik sa concert niya.
Mainit din ang pagtanggap ng manonood sa nakababatang kapatid na babae ni Darren na nagpakitang-gilas sa pagkanta at pagsayaw.
Hindi nakakagulat kung dumating ang araw na sumali sa mga susunod na season ng The Voice Kids ang talented sister ni Darren.
Isa sa mga special guest ni Darren ang kanyang ama na si Lyndon na may ibubuga rin sa pagkanta. Hindi nakalimutan ni Darren na sabihin na minana nito ang singing talent mula sa tatay niya.