Hinde Ko Sukat Akalain "
Nilimbag ni: Kru Nemen
NFE, Changwat Phetchabun
Pinabili lang ng suka ng mahal kong ina
Napasakay sa eroplano kahit naka-paa
Napadpad sa Thailand walang nakapuna
Hinde man sinasadya ngayon ay guro na
Kung noong dati hamak akong magsasaka
Hawak ko ay araro pangbungkal sa tumana
Ngayon ay libro at mamahaling marker pa
Mag-aaral sa Thailand palagi kong kasama
Dati ang binabasa ko'y liwayway at komiks
Grammar na ngayon sa utak ko'y sumisiksik
Salitang banyaga sa mga mag-aaral ipinipilit
Upang sila'y matuto ng salitang pasa-Anglit
Nakakatawa man at hinde ko sukat akalain
Kahit magsasaka'y pwedeng maging guro din
Basta't nakaka-English at walang pumapansin
Pangarap na maging guro'y pwede ring abutin...